Atle Kambestad hos Fylkesmannen.
– Dette er ikkje godt nok
– Utspelet frå oppdrettsnæringa er ikkje godt nok, meiner seniorrådgjevar Atle Kambestad hos Fylkesmannen i Hordaland.
ETNE: På møtet i Etne tysdag gjorde han det klart at det er nå eller aldri for villfisken i Hardangerfjord-systemet.
Utspelet frå HardangerFjordLauget som kom seinare på same møtet, meiner han viser at næringa enno ikkje påtar seg det fulle og heile ansvaret.
Viljuge til å bruke pengar
– Det er ingen tvil om at dei tilbyr eit visst samarbeid og er viljuge til å bruka ein del midlar for å sleppa unna produksjonsnedskjeringar.
– Villfisken kan likevel ikkje bergast utan slike nedskjeringar.
– Difor er det nå opp til Fiskeri- og kystdepartementet å setja kniven på strupen på næringa og gi dei ein klar atidsfrist for produksjonsnedskjering.
Dei avgjer sjølve kor stor nedskjeringa må bli.
