- For tidleg å seia noko om brannårsaka
I åttetida om morgonen i går blei ein brann oppdaga i eit bustadhus i Strandgata. Politiet har i dag teknikarar på staden.
HAUGESUND: - Me kan førebels ikkje seia noko om årsaka til brannen, først må teknikarane få undersøkt brannstaden. Dette arbeidet er i gang og kan kanskje ta heile dagen i dag, seier politioverbetent Lars Ivar Grunnaleite.
Operasjonsleiaren ved Haugaland og Sunnhordland politidistrikt sa i går til h-avis at det ikkje er mistanke om at brannen blei påsett.
- Ingenting tyder på at brannen var påsett, det er indikasjon på at han har starta inne og ikkje på bakkenivå. Kva etasje brannen starta i og kva type rom kan eg ikkje seia noko om før me har undersøkt brannstaden ferdig, seier Grunnaleite.
