Ja til Skånevik-tunnel
Fylkessamferdsleutvalet i Hordaland sa samrøystes ja til konsekvensutgreiing av tunnelen.
SKÅNEVIK: Samstundes understrekar fylkespolitikarane kor viktig det er at planarbeidet må ha god framdrift for at tunnelplanane blir sett i samband med revidering av Nasjonal Transportplan.
Prosjektleiar Victor Carlsen jr. i tunnelselskapet seier han no går breitt ut til næringslivet for å samla inn pengar til konsekvensutgreiingane.
Positive signal
Han reknar med at dei treng to millionar kroner.
Næringsdrivande i Skånevik stiller opp med 200.000 i denne omgangen.
Vidare fortel Carlsen jr. at entreprenørar både på Etne- og Skånevikssida har bede om å få ta hand om steinen frå tunneldrivinga.
No gjeld det at etnepolitikerane vel minste motstands veg, som ikkje forseinkar prosjektet, elles kan tunnelen bli forseinka med ti år, seier Carlsen jr.
