Prosjektleiar Victor Carlsen jr. ber om to millionar frå private til planarbeidet. Tunnelen er kostnadsrekna til 350 millionar.
Kronerulling til Skånevikstunnelen
Tunnelnemnda vil samla inn to millionar for å halda tidsfristane.
ETNE: Om få dagar får alle bedrifter og vanlege postmottakarar i Etne, Vindafjord og Kvinnherad brev om å bidra til at konsekvensutgreiinga, geologisk kartlegging og naturundersøkelsar blir ferdige - helst før juli.
- I juni skal Etne kommunestyre behandla konsekvensutgreiinga for første gong. Det er det seks vekers høyringsfrist. Så håpar me på sluttbehandling av tunnelplanane i kommunen i november, seier prosjektleiar Victor Carlsen jr.
- Dette må me klara om tunnelen skal koma med i revidert vegplan for 2010 til 2019, legg han til.
SINTEF er alt i gong med geologien, Ambio i Stavanger skal ta for seg natur og miljø og ingeniørfirma Akvator på Stord koordinerer arbeidet med konsekvensanalysane.
Etter vedtak i Etne kommune, er det no berre to alternativ som blir utgreidde: Vad og Grønstad i Stordalen.
