FOLGEFONN KOMMUNE: Eivind Nævdal-Bolstad vert gjerne ordførar i ein storkommune.
Vil du bu i Folgefonn eller Sunnhordland kommune?
Eivind Nævdal-Bolstad (H) vil slå saman Odda, Jondal, vestsida av Ullensvang og indre Kvinnherad til Folgefonn kommune. Han meiner det er nok med åtte kommunar i Hordaland, og vil samla Sunnhordland.
FRAMTIDA: Slik ser Eivind Nævdal-Bolstad for seg regionen i framtida.
KOMMUNESAMANSLÅING: - Ein gang i framtida tek eg gjerne på meg ordførarkjedet for Folgefonn kommune, men denne debatten er fyrst og fremst meint for å skapa betre tenester til våre innbyggjarar, seier Eivind Nævdal-Bolstad.
Oddingen er innstilt som ny nestleiar i fylkespartiet, og under to veker før årsmøtet tek han altså opp debatten om kommunesamanslåing.
Folgefonn kommune skal bestå av Odda, Jondal og indre delar av Kvinnherad. Nye Hardanger herad får med seg austsida av Ullensvang, Eidfjord, Granvin og Ulvik.
Sunnhordland kommune
I Sunnhordland kommune er det plass til ytre delar av Sunnhordland, Stord, Sveio, Fitjar, Bømlo, Tysnes og Kvinnherad.
Tidligere i år omtalte Haugesunds Avis ein aksjon for å slå saman Stord, Bømlo og Fitjar.
Nævdal-Bolstad ser fleire fordelar med større kommunar, og viser til at auka innbyggjartal gjer at dei kan ha større breidde i tenestetilbodet og at kvaliteten vert betre.
- Med Hardangerbrua, så bør dette absolutt vera ei realistisk løysing, seier Nævdal-Bolstad.
Totalt meiner han det er nok med åtte kommunar i Hordaland, og vil mellom anna ha Os og Askøy inn i Bergen kommune.
