Mobbing: Innfør MOT i Karmøyskolen

MeningerDette er et debattinnlegg. Innlegget gir uttrykk for skribentens holdninger.Politikerane på Karmøy må ta ansvar – me treng konkrete tiltak for å forebyggja mobbing og

rasisme.

Det er tragisk når ungdom tar livet av seg. Endå meir tragisk er det når familien opplever at det blir

framsett rasistiske meldingar i samband med dødsfallet. Det er bra at mange går ut og markerar sin

støtte til dei som blir offer for slik sjofel atferd, med ulike markeringar i lokalmiljøet og innlegg i

aviser og sosial media. Men det fører neppe til at det blir mindre rasisme og mobbing av den grunn.

Politikerane har jo tidlegare vedtatt nulltolleranse mot mobbing, det same har ungdomsrådet, uten

at det ser ut til å ha noen som helst effekt. Skal ein endra holdningar og atferd må det jobbast meir

systematisk på brei front med dette over tid.

Eg vil derfor utfordra politikarane til å innføra MOT i Karmøyskulen og i Karmøy kommune. Med det

nye programmet MOT som samfunnsbyggar kan dette kanskje bidra til å skapa robuste ungdommar

som har MOT til å bry seg om andre, MOT til å leva gode liv og MOT til å seia nei til både mobbing,

rasisme og rus.

Sjølv var eg med å innføra MOT på Haugaland vidaregåande skule i 2003 etter at

elevundersøkingane viste at det var ein del ungdom på skulen som blei mobba. Gjennom

systematisk MOT-arbeid over år fekk me gode resultat i form av meir trivsel og gode læringsmiljø,

mindre mobbing, færre elevar som droppa ut av skulen og bedre faglige resultat.

Det er på tide at politikerane og administrasjonen i Karmøy tar tak i dette samfunnsproblemet med

konkrete tiltak som kan gi resultat på sikt. Andre kommunar har prøvd med gode resultat.

Odd Henning Johannessen

Kopervik